要知道，觸發今次頁巖氣及相關股份大幅調整，乃緣于當局將本來預期砜年底前頁巖氣探擴招標延至明年。中國唔係缺乏資源，而係需要時日掌握技術，之前相關股份熱炒，係憧憬政府招標探礦權帶動行業投資。惟結果係，以第二輪招標為例，據聞十九個區域探礦權批出后，中標企業才發現探礦工程困難，成本較預期高，加上中標企業大部分屬「新仔」，缺乏經驗同技術，唔知點樣入手，結果唔少都仲未開工，部分更索性轉讓探礦權。咁樣景況，難怪官方推遲新一輪招標工作，相關股份投資熱情由熱轉冷亦係必然結果。

　　長線投資新興行業股份確實不乏令人致富砼例子，但呢類「長征」須要有眼光同耐性。長遠睇頁巖氣廣泛使用或可帶領美國經濟成功大翻身，但刻下呢個局面尚未出現。中國起步遠遠落后美國，要從投資呢個領域而得益實在係慢慢長路。暫時嚟講，呢個板塊，純綷跟風、睇技術分析同因應股份流通量炒作并無不可，但中長線投資，也許要有待更多條件成熟，始有足夠理據行事。